06–09.12.2026 | 4 дена / 3 ноќевања | Авион од Скопје
Две царски престолнини, една незаборавна приказна во срцето на некогашната Австро-Унгарска империја. Доживејте го шармот на Централна Европа во нејзиното најубаво божиќно издание.
Братислава, шармантниот главен град на Словачка на бреговите на Дунав, и Виена, градот на уметноста и царскиот сјај, за време на Божиќ се претвораат во вистинска празнична магија со традиционални божиќни пазари.
ПРОГРАМА – ВКЛУЧЕНА ГРАДСКА ТУРА ВО БРАТИСЛАВА И ЦЕЛОДНЕВНА ТУРА ВО ВИЕНА
FIRST MINUTE PROMO: 529 € / 32.800 МКД – до пополнување на промотивните места
РЕДОВНА ЦЕНА: 565 € / 35.000 МКД – по пополнување на промотивните места
06 ДЕКЕМВРИ (НЕДЕЛА) | СКОПЈЕ – БРАТИСЛАВА
Состанок на аеродромот во Скопје во 19:30 часот. Полетување за Братислава во 21:35 и слетување во 23:10 часот. Трансфер до хотелот во Братислава и сместување. Ноќевање.
07 ДЕКЕМВРИ (ПОНЕДЕЛНИК) | БРАТИСЛАВА
Појадок. По појадокот заминуваме на разглед на Братислава, со посета на Братиславскиот замок, кој се издига над градот и Дунав и нуди прекрасен поглед. Продолжуваме кон живописниот стар град Staré Mesto, со тесни улички, историски градби и познатите скриени статуи, меѓу кои Чумил. Поминуваме под Михалската порта и продолжуваме кон средновековниот главен плоштад со Роландовата фонтана, Старото градско собрание и Хвјездославовиот плоштад.
Слободно време за кафе и ручек. Во приквечерните часови посета на традиционалниот божиќен базар и уживање во празничната атмосфера со ароматично греено вино. Ноќевање.
08 ДЕКЕМВРИ (ВТОРНИК) | ВИЕНА
Појадок. По појадокот заминуваме на целодневна тура во Виена, оддалечена околу еден час возење од Братислава. Обиколка на Рингштрасе и посета на дел од најзначајните знаменитости на поранешната престолнина на Австро-Унгарската империја. Ќе застанеме кај величествениот дворец Шенбрун, летната резиденција на Франц Јозеф и една од најголемите туристички атракции во Виена.
Продолжуваме со пешачка прошетка низ центарот: Црквата Св. Петар, улицата Грабен, Stephansplatz и Катедралата Св. Стефан, како и дворецот Хофбург, некогашно седиште на Хабсбуршката империја.
Слободно време за шопинг, виенско кафе, Сахер торта или виенска шницла. Посета на божиќен базар за празнична атмосфера, топли пијалоци, слатки, сувенири и божиќни подароци. Враќање во хотелот. Ноќевање.
09 ДЕКЕМВРИ (СРЕДА) | БРАТИСЛАВА – СКОПЈЕ
Појадок. Одјавување од хотелот и слободно време за индивидуални активности.
Наш предлог е индивидуална посета на UFO Observation Deck на мостот SNP, панорамски видиковец на висина од 95 метри над Дунав, со 360-степен поглед на градот, Братиславскиот замок и историскиот центар. Можност и за посета на некој од шопинг центрите Aupark Bratislava или CENTRAL Bratislava, или прошетка низ градот.
Опција: факултативна посета на Parndorf Designer Outlet во Австрија.
Трансфер до аеродром. Полетување за Скопје во 22:50 и слетување во 00:20 часот.
ВО ЦЕНАТА НА АРАНЖМАНОТ Е ВКЛУЧЕНО:
- Авионски превоз на релација Скопје – Братислава – Скопје
- Рачен багаж: 1 торба/куфер со димензии 40 × 30 × 20 cm, до 10 kg
- Организиран трансфер од аеродромот до хотелот и обратно
- 3 ноќевања со појадок во Hotel Saffron 4★ во Братислава, во стандардна двокреветна соба
- Туристичка такса
- Полудневен разглед на Братислава со локален водич според програмата (пешачка тура 3–4 часа)
- Целодневна тура и разглед на Виена со локален водич според програмата
- Организација на аранжманот и придружник на патувањето, на минимум 14 пријавени патници
ВО ЦЕНАТА НА АРАНЖМАНОТ НЕ Е ВКЛУЧЕНО:
- Доплата за чекиран багаж – куфер до 10 kg или до 20 kg; цената е променлива, информација во агенција 7 дена пред поаѓање
- Влезници во локалитетите и карти за локален превоз
- Посета на Parndorf – 40 € по лице, за минимум 10 пријавени лица; времетраење околу 4 часа
- Индивидуална посета на UFO Observation Deck – влезница околу 10–12 €; според доставената програма, при вечера во ресторанот може да има бесплатен или намален влез
- Патничко-здравствено осигурување
- Индивидуални трошоци
- Оброци освен наведениот појадок во хотел
- Индивидуални факултативни излети и посети кои не се наведени во програмата
- Доплата за еднокреветна соба – 140 € / 8.680 МКД
НАПОМЕНА ЗА СМЕСТУВАЊЕ:
Хотелот располага со трокреветни соби и нема можност да се додаде дополнително легло во стандардна двокреветна соба.
НАПОМЕНИ И УСЛОВИ:
- Резервација на место со минимална уплата од 8.000 МКД по лице, која во случај на отказ од страна на патник е неповратна.
- За реализација на аранжманот како група потребен е минимум од 14 патници.
- Авионските карти не трпат промени согласно политиката на авиокомпанијата и се нерефундабилни.
- Пасошот треба да важи минимум 3 месеци по завршувањето на патувањето.
- Доплата на аранжманот е 14 дена пред датумот на патување.



